₹100 ಕೋಟಿ ಹವಾಲಾ ಕೇಸ್ ತನಿಖೆಗೆ ಬಂದ ED ಅಧಿಕಾರಿಗಳಿಗೆ ಬಿಗ್ ಶಾಕ್! 4 ಗಂಟೆ ಶೋಧಿಸಿದ ಬಳಿಕ ಗೊತ್ತಾಯ್ತು ಅಸಲಿ ಸತ್ಯ!
ಕೇರಳದಲ್ಲಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳಿಂದ ಯಡವಟ್ಟು ನಡೆದಿರುವ ಆರೋಪ ಕೇಳಿಬಂದಿದೆ. ₹100 ಕೋಟಿ ಹವಾಲಾ ಪ್ರಕರಣದ ಆರೋಪಿಯನ್ನು ಹುಡುಕಿಕೊಂಡು ಬಂದ ಅಧಿಕಾರಿಗಳು, ಅದೇ ಹೆಸರಿನ ಬೇರೊಬ್ಬ ವ್ಯಕ್ತಿಯ ಮನೆಗೆ ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ. ಮನೆಯವರು ಎಷ್ಟೇ ಹೇಳಿದರೂ ಕೇಳದೆ ನಾಲ್ಕು ಗಂಟೆಗಳ ಕಾಲ ಶೋಧ ನಡೆಸಿದ್ದಾರೆ ಎಂದು ಕುಟುಂಬ ಆರೋಪಿಸಿದೆ.
ಆರೋಪಿ ಮನೆ ಹುಡುಕಲು ಹೋಗಿ ಬೇರೆಯವರ ಮನೆಗೆ ಎಂಟ್ರಿ!
ಕೇರಳದ ಕೋಝಿಕ್ಕೋಡ್ ಜಿಲ್ಲೆಯಲ್ಲಿ ಅಚ್ಚರಿಯ ಘಟನೆಯೊಂದು ನಡೆದಿದೆ. ₹100 ಕೋಟಿ ಮೌಲ್ಯದ ಶಂಕಿತ ಹವಾಲಾ ವಹಿವಾಟಿನ ತನಿಖೆ ನಡೆಸುತ್ತಿದ್ದ ಜಾರಿ ನಿರ್ದೇಶನಾಲಯದ (ED) ಅಧಿಕಾರಿಗಳು ನೌಶಾದ್ ಎಂಬ ವ್ಯಕ್ತಿಯ ಮನೆಗೆ ಶುಕ್ರವಾರ ಬೆಳಗ್ಗೆ 7 ಗಂಟೆ ಸುಮಾರಿಗೆ ಆಗಮಿಸಿದ್ದಾರೆ.
ಆದರೆ ಇಲ್ಲಿ ಒಂದು ದೊಡ್ಡ ಗೊಂದಲವಾಗಿತ್ತು. ಅಧಿಕಾರಿಗಳು ಹುಡುಕುತ್ತಿದ್ದ ನೌಶಾದ್ ಬೇರೆ, ಮನೆಯಲ್ಲಿದ್ದ ನೌಶಾದ್ ಬೇರೆ ಎಂದು ಕುಟುಂಬಸ್ಥರು ಹೇಳಿದ್ದಾರೆ!
‘ನಮ್ಮ ತಂದೆಯ ಹೆಸರು ಅದಲ್ಲ ಸರ್!’ ಎಂದರೂ ಕೇಳಲಿಲ್ಲ!
ಅಧಿಕಾರಿಗಳು ಹುಡುಕುತ್ತಿದ್ದ ಶಂಕಿತನ ತಂದೆಯ ಹೆಸರು ಉಸ್ಮಾನ್. ಆದರೆ ಮನೆಯಲ್ಲಿದ್ದ ನೌಶಾದ್ ಅವರ ತಂದೆಯ ಹೆಸರು ಮೊಹಮ್ಮದ್!
ಈ ವ್ಯತ್ಯಾಸವನ್ನು ಕುಟುಂಬಸ್ಥರು ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ನೀವು ಹುಡುಕುತ್ತಿರುವ ವ್ಯಕ್ತಿ ನಮ್ಮ ಮನೆಯವರಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಆದರೂ ಅಧಿಕಾರಿಗಳು ಶೋಧ ಕಾರ್ಯಾಚರಣೆಯನ್ನು ಮುಂದುವರಿಸಿದ್ದಾರೆ ಎಂಬುದು ಕುಟುಂಬದ ಆರೋಪ.
ಸುಮಾರು ನಾಲ್ಕು ಗಂಟೆಗಳ ಕಾಲ ಮನೆಯ ಮೂಲೆಮೂಲೆಯನ್ನೂ ಪರಿಶೀಲಿಸಿದ ಅಧಿಕಾರಿಗಳಿಗೆ ಅನುಮಾನಾಸ್ಪದವಾದ ಯಾವುದೇ ವಸ್ತು ಸಿಕ್ಕಿಲ್ಲ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.
ಕೊನೆಗೆ ಫೋಟೋ ತೋರಿಸಿದಾಗ ಬಯಲಾಯ್ತು ಅಸಲಿ ಸತ್ಯ!
ಶೋಧ ಕಾರ್ಯಾಚರಣೆ ಮುಗಿಯುವ ಹೊತ್ತಿಗೆ ಅಧಿಕಾರಿಗಳು ತಾವು ಹುಡುಕುತ್ತಿದ್ದ ಶಂಕಿತ ವ್ಯಕ್ತಿಯ ಫೋಟೋವನ್ನು ಕುಟುಂಬಸ್ಥರಿಗೆ ತೋರಿಸಿದ್ದಾರೆ ಎನ್ನಲಾಗಿದೆ.
ಆ ಫೋಟೋದಲ್ಲಿದ್ದ ವ್ಯಕ್ತಿ ತಮ್ಮ ಮನೆಯ ನೌಶಾದ್ ಅಲ್ಲವೇ ಅಲ್ಲ ಎಂದು ಕುಟುಂಬಸ್ಥರು ಹೇಳಿದ್ದಾರೆ.
ಇದರಿಂದ ತಪ್ಪಾದ ವ್ಯಕ್ತಿಯ ಮನೆಯಲ್ಲಿ ಶೋಧ ನಡೆಸಲಾಗಿದೆ ಎಂಬುದು ಕುಟುಂಬದ ವಾದ.
ಅಷ್ಟಕ್ಕೂ ಈ ನೌಶಾದ್ ಯಾರು?
ನೌಶಾದ್ ಈ ಹಿಂದೆ ಶಾರ್ಜಾದ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಸುಮಾರು ಒಂಬತ್ತು ತಿಂಗಳ ಹಿಂದೆ ಉದ್ಯೋಗ ತೊರೆದು ಕೇರಳಕ್ಕೆ ಮರಳಿದ್ದರು. ಸದ್ಯ ಮೀನುಗಾರಿಕೆ ಕೆಲಸ ಮಾಡಿಕೊಂಡು ಜೀವನ ಸಾಗಿಸುತ್ತಿದ್ದಾರೆ.
ಆದರೆ ಏಕಾಏಕಿ ₹100 ಕೋಟಿ ಹವಾಲಾ ಪ್ರಕರಣದ ತನಿಖೆಯ ಹೆಸರಿನಲ್ಲಿ ಅಧಿಕಾರಿಗಳು ಮನೆಗೆ ಬಂದಿದ್ದರಿಂದ ಕುಟುಂಬಸ್ಥರು ಆತಂಕಕ್ಕೊಳಗಾಗಿದ್ದಾರೆ.
ರಾಜ್ಯದ 12 ಕಡೆ ED ದಾಳಿ!
ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (FEMA) ಅಡಿಯಲ್ಲಿ ಶಂಕಿತ ಹವಾಲಾ ವಹಿವಾಟು ಮತ್ತು ವಿದೇಶಿ ವಿನಿಮಯ ನಿಯಮಗಳ ಉಲ್ಲಂಘನೆ ಕುರಿತು ತನಿಖೆ ನಡೆಯುತ್ತಿದೆ.
ಇದರ ಭಾಗವಾಗಿ ನವೆಂಬರ್ 20ರಂದು ಕೇರಳದ ಸುಮಾರು 12 ಸ್ಥಳಗಳಲ್ಲಿ ಇಡಿ ಅಧಿಕಾರಿಗಳು ಶೋಧ ನಡೆಸಿದ್ದಾರೆ. ಕೋಝಿಕ್ಕೋಡ್ನ ಈ ಮನೆಯ ಶೋಧವೂ ಅದರಲ್ಲಿ ಸೇರಿತ್ತು.
ED ಅಧಿಕಾರಿಗಳ ವಿರುದ್ಧ ಕ್ರಮಕ್ಕೆ ಕುಟುಂಬ ಆಗ್ರಹ!
ಯಾವುದೇ ಮನೆಗೆ ದಾಳಿ ನಡೆಸುವ ಮೊದಲು ವ್ಯಕ್ತಿಯ ಹೆಸರು, ತಂದೆಯ ಹೆಸರು, ವಿಳಾಸ ಮತ್ತು ಗುರುತಿನ ವಿವರಗಳನ್ನು ಸರಿಯಾಗಿ ಪರಿಶೀಲಿಸಬೇಕಿತ್ತು ಎಂದು ನೌಶಾದ್ ಕುಟುಂಬ ಆಕ್ರೋಶ ವ್ಯಕ್ತಪಡಿಸಿದೆ.
ತಪ್ಪಾದ ವಿಳಾಸದಲ್ಲಿ ಶೋಧ ನಡೆಸಿದ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಕುಟುಂಬಸ್ಥರು ಒತ್ತಾಯಿಸಿದ್ದಾರೆ.
ಆದರೆ ಕುಟುಂಬದ ಈ ಆರೋಪಗಳಿಗೆ ಇಡಿ ಅಧಿಕಾರಿಗಳಿಂದ ಇನ್ನೂ ಅಧಿಕೃತ ಪ್ರತಿಕ್ರಿಯೆ ಬಂದಿಲ್ಲ.
ಒಂದೇ ಹೆಸರು ಎಂಬ ಕಾರಣಕ್ಕೆ ತಪ್ಪಾದ ಮನೆಯ ಮೇಲೆ ದಾಳಿ ನಡೆದಿದೆಯೇ? ಶೋಧಕ್ಕೂ ಮೊದಲು ಗುರುತು ಪರಿಶೀಲನೆಯಲ್ಲಿ ಲೋಪವಾಗಿತ್ತೇ? ಎಂಬ ಪ್ರಶ್ನೆಗಳು ಇದೀಗ ಎದ್ದಿವೆ.
ಕೇರಳದಲ್ಲಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳಿಂದ ಯಡವಟ್ಟು ನಡೆದಿರುವ ಆರೋಪ ಕೇಳಿಬಂದಿದೆ. ₹100 ಕೋಟಿ ಹವಾಲಾ ಪ್ರಕರಣದ ಆರೋಪಿಯನ್ನು ಹುಡುಕಿಕೊಂಡು ಬಂದ ಅಧಿಕಾರಿಗಳು, ಅದೇ ಹೆಸರಿನ ಬೇರೊಬ್ಬ ವ್ಯಕ್ತಿಯ ಮನೆಗೆ ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ. ಮನೆಯವರು ಎಷ್ಟೇ ಹೇಳಿದರೂ ಕೇಳದೆ ನಾಲ್ಕು ಗಂಟೆಗಳ ಕಾಲ ಶೋಧ ನಡೆಸಿದ್ದಾರೆ ಎಂದು ಕುಟುಂಬ ಆರೋಪಿಸಿದೆ.
ಆರೋಪಿ ಮನೆ ಹುಡುಕಲು ಹೋಗಿ ಬೇರೆಯವರ ಮನೆಗೆ ಎಂಟ್ರಿ!
ಕೇರಳದ ಕೋಝಿಕ್ಕೋಡ್ ಜಿಲ್ಲೆಯಲ್ಲಿ ಅಚ್ಚರಿಯ ಘಟನೆಯೊಂದು ನಡೆದಿದೆ. ₹100 ಕೋಟಿ ಮೌಲ್ಯದ ಶಂಕಿತ ಹವಾಲಾ ವಹಿವಾಟಿನ ತನಿಖೆ ನಡೆಸುತ್ತಿದ್ದ ಜಾರಿ ನಿರ್ದೇಶನಾಲಯದ (ED) ಅಧಿಕಾರಿಗಳು ನೌಶಾದ್ ಎಂಬ ವ್ಯಕ್ತಿಯ ಮನೆಗೆ ಶುಕ್ರವಾರ ಬೆಳಗ್ಗೆ 7 ಗಂಟೆ ಸುಮಾರಿಗೆ ಆಗಮಿಸಿದ್ದಾರೆ.
ಆದರೆ ಇಲ್ಲಿ ಒಂದು ದೊಡ್ಡ ಗೊಂದಲವಾಗಿತ್ತು. ಅಧಿಕಾರಿಗಳು ಹುಡುಕುತ್ತಿದ್ದ ನೌಶಾದ್ ಬೇರೆ, ಮನೆಯಲ್ಲಿದ್ದ ನೌಶಾದ್ ಬೇರೆ ಎಂದು ಕುಟುಂಬಸ್ಥರು ಹೇಳಿದ್ದಾರೆ!
‘ನಮ್ಮ ತಂದೆಯ ಹೆಸರು ಅದಲ್ಲ ಸರ್!’ ಎಂದರೂ ಕೇಳಲಿಲ್ಲ!
ಅಧಿಕಾರಿಗಳು ಹುಡುಕುತ್ತಿದ್ದ ಶಂಕಿತನ ತಂದೆಯ ಹೆಸರು ಉಸ್ಮಾನ್. ಆದರೆ ಮನೆಯಲ್ಲಿದ್ದ ನೌಶಾದ್ ಅವರ ತಂದೆಯ ಹೆಸರು ಮೊಹಮ್ಮದ್!
ಈ ವ್ಯತ್ಯಾಸವನ್ನು ಕುಟುಂಬಸ್ಥರು ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ನೀವು ಹುಡುಕುತ್ತಿರುವ ವ್ಯಕ್ತಿ ನಮ್ಮ ಮನೆಯವರಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಆದರೂ ಅಧಿಕಾರಿಗಳು ಶೋಧ ಕಾರ್ಯಾಚರಣೆಯನ್ನು ಮುಂದುವರಿಸಿದ್ದಾರೆ ಎಂಬುದು ಕುಟುಂಬದ ಆರೋಪ.
ಸುಮಾರು ನಾಲ್ಕು ಗಂಟೆಗಳ ಕಾಲ ಮನೆಯ ಮೂಲೆಮೂಲೆಯನ್ನೂ ಪರಿಶೀಲಿಸಿದ ಅಧಿಕಾರಿಗಳಿಗೆ ಅನುಮಾನಾಸ್ಪದವಾದ ಯಾವುದೇ ವಸ್ತು ಸಿಕ್ಕಿಲ್ಲ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.
ಕೊನೆಗೆ ಫೋಟೋ ತೋರಿಸಿದಾಗ ಬಯಲಾಯ್ತು ಅಸಲಿ ಸತ್ಯ!
ಶೋಧ ಕಾರ್ಯಾಚರಣೆ ಮುಗಿಯುವ ಹೊತ್ತಿಗೆ ಅಧಿಕಾರಿಗಳು ತಾವು ಹುಡುಕುತ್ತಿದ್ದ ಶಂಕಿತ ವ್ಯಕ್ತಿಯ ಫೋಟೋವನ್ನು ಕುಟುಂಬಸ್ಥರಿಗೆ ತೋರಿಸಿದ್ದಾರೆ ಎನ್ನಲಾಗಿದೆ.
ಆ ಫೋಟೋದಲ್ಲಿದ್ದ ವ್ಯಕ್ತಿ ತಮ್ಮ ಮನೆಯ ನೌಶಾದ್ ಅಲ್ಲವೇ ಅಲ್ಲ ಎಂದು ಕುಟುಂಬಸ್ಥರು ಹೇಳಿದ್ದಾರೆ.
ಇದರಿಂದ ತಪ್ಪಾದ ವ್ಯಕ್ತಿಯ ಮನೆಯಲ್ಲಿ ಶೋಧ ನಡೆಸಲಾಗಿದೆ ಎಂಬುದು ಕುಟುಂಬದ ವಾದ.
ಅಷ್ಟಕ್ಕೂ ಈ ನೌಶಾದ್ ಯಾರು?
ನೌಶಾದ್ ಈ ಹಿಂದೆ ಶಾರ್ಜಾದ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಸುಮಾರು ಒಂಬತ್ತು ತಿಂಗಳ ಹಿಂದೆ ಉದ್ಯೋಗ ತೊರೆದು ಕೇರಳಕ್ಕೆ ಮರಳಿದ್ದರು. ಸದ್ಯ ಮೀನುಗಾರಿಕೆ ಕೆಲಸ ಮಾಡಿಕೊಂಡು ಜೀವನ ಸಾಗಿಸುತ್ತಿದ್ದಾರೆ.
ಆದರೆ ಏಕಾಏಕಿ ₹100 ಕೋಟಿ ಹವಾಲಾ ಪ್ರಕರಣದ ತನಿಖೆಯ ಹೆಸರಿನಲ್ಲಿ ಅಧಿಕಾರಿಗಳು ಮನೆಗೆ ಬಂದಿದ್ದರಿಂದ ಕುಟುಂಬಸ್ಥರು ಆತಂಕಕ್ಕೊಳಗಾಗಿದ್ದಾರೆ.
ರಾಜ್ಯದ 12 ಕಡೆ ED ದಾಳಿ!
ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (FEMA) ಅಡಿಯಲ್ಲಿ ಶಂಕಿತ ಹವಾಲಾ ವಹಿವಾಟು ಮತ್ತು ವಿದೇಶಿ ವಿನಿಮಯ ನಿಯಮಗಳ ಉಲ್ಲಂಘನೆ ಕುರಿತು ತನಿಖೆ ನಡೆಯುತ್ತಿದೆ.
ಇದರ ಭಾಗವಾಗಿ ನವೆಂಬರ್ 20ರಂದು ಕೇರಳದ ಸುಮಾರು 12 ಸ್ಥಳಗಳಲ್ಲಿ ಇಡಿ ಅಧಿಕಾರಿಗಳು ಶೋಧ ನಡೆಸಿದ್ದಾರೆ. ಕೋಝಿಕ್ಕೋಡ್ನ ಈ ಮನೆಯ ಶೋಧವೂ ಅದರಲ್ಲಿ ಸೇರಿತ್ತು.
ED ಅಧಿಕಾರಿಗಳ ವಿರುದ್ಧ ಕ್ರಮಕ್ಕೆ ಕುಟುಂಬ ಆಗ್ರಹ!
ಯಾವುದೇ ಮನೆಗೆ ದಾಳಿ ನಡೆಸುವ ಮೊದಲು ವ್ಯಕ್ತಿಯ ಹೆಸರು, ತಂದೆಯ ಹೆಸರು, ವಿಳಾಸ ಮತ್ತು ಗುರುತಿನ ವಿವರಗಳನ್ನು ಸರಿಯಾಗಿ ಪರಿಶೀಲಿಸಬೇಕಿತ್ತು ಎಂದು ನೌಶಾದ್ ಕುಟುಂಬ ಆಕ್ರೋಶ ವ್ಯಕ್ತಪಡಿಸಿದೆ.
ತಪ್ಪಾದ ವಿಳಾಸದಲ್ಲಿ ಶೋಧ ನಡೆಸಿದ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಕುಟುಂಬಸ್ಥರು ಒತ್ತಾಯಿಸಿದ್ದಾರೆ.
ಆದರೆ ಕುಟುಂಬದ ಈ ಆರೋಪಗಳಿಗೆ ಇಡಿ ಅಧಿಕಾರಿಗಳಿಂದ ಇನ್ನೂ ಅಧಿಕೃತ ಪ್ರತಿಕ್ರಿಯೆ ಬಂದಿಲ್ಲ.
ಒಂದೇ ಹೆಸರು ಎಂಬ ಕಾರಣಕ್ಕೆ ತಪ್ಪಾದ ಮನೆಯ ಮೇಲೆ ದಾಳಿ ನಡೆದಿದೆಯೇ? ಶೋಧಕ್ಕೂ ಮೊದಲು ಗುರುತು ಪರಿಶೀಲನೆಯಲ್ಲಿ ಲೋಪವಾಗಿತ್ತೇ? ಎಂಬ ಪ್ರಶ್ನೆಗಳು ಇದೀಗ ಎದ್ದಿವೆ.
