ಖ್ಯಾತ ನಟ ಅರ್ಜುನ್ ಸರ್ಜಾ ಮನೆಯಲ್ಲಿ ಮತ್ತೊಂದು ಮದುವೆ ಸಂಭ್ರಮ ಕೂಡಿ ಬಂದಿದೆ. ಅರ್ಜುನ್ ಸರ್ಜಾ ಅವರ ದ್ವಿತೀಯ ಪುತ್ರಿ ಅಂಜನಾ ಅರ್ಜುನ್ ತನ್ನ ಗೆಳೆಯನ ಫೋಟೋ ರಿವೀಲ್ ಮಾಡಿದ್ದಾರೆ.

ಇತ್ತೀಚೆಗೆ ಅರ್ಜುನ್ ಸರ್ಜಾ ಅವರ ಮೊದಲ ಪುತ್ರಿ ಐಶ್ವರ್ಯಾ ಅವರ ವಿವಾಹ ಅದ್ಧೂರಿಯಾಗಿ ನೆರವೇರಿತ್ತು. ಇದೀಗ ಗೆಳಯನ ಜೊತೆ ಫೋಟೋ ಶೂಟ್‌ ಮಾಡಿಸಿಕೊಂಡಿರುವ ಅಂಜನಾ ಅರ್ಜುನ್‌ ಅವರು ಗುಡ್‌ನ್ಯೂಸ್‌ ಹಂಚಿಕೊಂಡಿದ್ದಾರೆ.

ಅಂಜನಾ ವಿದೇಶಿ ಹುಡುಗನ ಜೊತೆ 13 ವರ್ಷದಿಂದ ಪ್ರೀತಿಯಲ್ಲಿದ್ದರು. ಅಂಜನಾ ತನ್ನ 13 ವರ್ಷದ ಲವ್ ಸ್ಟೋರಿಯನ್ನ ಇದೀಗ ಮನೆಯವರಿಗೆ ತಿಳಿಸಿದ್ದಾರೆ. ವಿದೇಶಿ ಹುಡುಗನ ಜೊತೆ ಅಂಜನಾ ಪ್ರೀತಿಗೆ ಮನೆಯವರು ಒಪ್ಪಿಗೆ ಸೂಚಿಸಿದ್ದಾರೆ.

ಅಂಜನಾ ಮುದ್ದಿನ ಹುಡುಗನಿಗೆ ಶುಭಾಶಯ ತಿಳಿಸಿರೋ ಅರ್ಜುನ್ ಸರ್ಜಾ ಕುಟುಂಬ ಕೂಡ ಫೋಟೋ ಶೂಟ್‌ನಲ್ಲಿ ಭಾಗಿಯಾಗಿ ಸಖತ್ ಪೋಸ್ ನೀಡಿದೆ.

ಗೆಳೆಯನ ಫೋಟೋ ಬಿಡುಗಡೆ ಮಾಡಿರುವ ಅಂಜನಾ ಅವರು ಸದ್ಯದಲ್ಲೇ ಗುಡ್‌ನ್ಯೂಸ್‌ ಬಗ್ಗೆ ಕೂಡ ಅಪ್ಡೇಟ್ ನೀಡಲಿದ್ದಾರೆ.