ಇಷ್ಟು ದಿನ ಸೀರಿಯಲ್ನಲ್ಲಿ ಮದುಮಗನಾಗಿ ಮಿಂಚುತ್ತಿದ್ದ ಹೀರೋ ಈಗ ರಿಯಲ್ ಲೈಫ್ನಲ್ಲಿ ಹಸೆಮಣೆ ಏರೋದಕ್ಕೆ ಸಜ್ಜಾಗಿದ್ದಾರೆ. ಈಗ ಮದುವೆಗೆ ಡೇಟು.. ಟೈಮೂ.. ಫಿಕ್ಸ್ ಆಗಿದೆ. ಶಮಂತ್ ಧಾರಾವಾಹಿ ಪ್ರಿಯರಿಗೆ ಮುದ್ದಿನ ವೈಷ್ಣವ್. ಮ್ಯೂಜಿಕ್ ಲವರ್ಸ್ಗೆ ಬ್ರೋ ಗೌಡ. ಮೇಘನಾಗೆ ಲವರ್ ಬಾಯ್.. ಮಿಸ್ಟರ್ ಪರ್ಫೆಕ್ಟ್. ಈ ವರ್ಷ ಶಮಂತ್ಗೆ ಲಕ್ಕಿ. ಹಲವು ಒಳ್ಳೊಳ್ಳೆ ಕೆಲಸಗಳು ಆಗ್ತಿವೆ. ಇತ್ತೀಚಿಗೆ ಹೊಸ ಮ್ಯೂಜಿಕ್ ಸ್ಟುಡಿಯೋ ಓಪನ್ ಮಾಡಿದ್ದಾರೆ. ಸಿನಿಮಾಗಳಿಗೆ ಸೈನ್ ಮಾಡಿದ್ದಾರೆ. ಜೊತೆಗೆ ಮದುವೆ ಖುಷಿ ಸಂಭ್ರಮ.
ಪ್ರೀತಿಸಿದ ಹುಡುಗಿಯನ್ನು ಮದುವೆ ಆಗ್ತಿರೋದು ದುಪ್ಪಟ್ಟು ಸಡಗರ ತಂದಿದೆ. ಬಹುಕಾಲದ ಗೆಳತಿ ಮೇಕಪ್ ಆರ್ಟಿಸ್ಟ್ ಮೇಘನಾ ಕೈ ಹಿಡಿಯುತ್ತಿದ್ದಾರೆ ಶಮಂತ್. ಬಿಗ್ ಬಾಸ್ ಹೋಗೋಕು ಮೊದಲೇ ಇವರ ಲವ್ ಸ್ಟೋರಿ ಶುರುವಾಗಿತ್ತು. ಇನ್ಫ್ಯಾಕ್ಟ್ ಬಿಗ್ ಬಾಸ್ನಲ್ಲಿ ಶಮಂತ್ ಧರಿಸುತ್ತಿದ್ದ ಪ್ರತಿ ಕಾಸ್ಟ್ಯೂಮ್ನಲ್ಲೂ ಮೇಘನಾ ಕೈಚಳಕ ಇತ್ತು. ಅವರ ಸೋಷಿಯಲ್ ಮೀಡಿಯಾ ಪೇಜ್ಗಳನ್ನು ಮೇಘನಾ ಅವರೇ ಹ್ಯಾಂಡಲ್ ಮಾಡ್ತಿದ್ರು. ಪ್ರತಿಯೊಂದು ಹೆಜ್ಜೆಯಲ್ಲೂ ಮೇಘನಾ ಶಮಂತ್ಗೆ ಸಾಥ್ ಕೊಟ್ಟಿದ್ದಾರೆ.
ಯಶಸ್ಸಿ ಪುರುಷನ ಹಿಂದೆ ಮಹಿಳೆ ಇರ್ತಾರಂತೆ. ಶಮಂತ್ ಸಕ್ಸಸ್ ಹಿಂದಿನ ಶಕ್ತಿ ಗೆಳತಿ ಪ್ರಿಯತಮೆ ಮೇಘನಾ.
ಈ ಜೋಡಿ ಪ್ರೀತಿಗೆ ಮೇ ತಿಂಗಳಲ್ಲಿ ಮದುವೆ ಮುದ್ರೆ ಬಿಳುತ್ತಿದೆ. ಹೌದು, ಗುರುಹಿರಿಯರ ಸಮ್ಮುಖದಲ್ಲಿ ಅದ್ಧೂರಿಯಾಗಿ ಮೇ 21ರಂದು ಬೆಂಗಳೂರಿನ ಜೆ.ಪಿ ನಗರದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ ಮೇಘನಾ-ಶಮಂತ್. ಮೇಘನಾ ಮರಾಠಿ ಕುಟುಂಬದ ಹುಡುಗಿ, ಶಮಂತ್ ಪಕ್ಕಾ ಗೌಡ್ರ ಹುಡುಗ. ಹೀಗಾಗಿ ಎರಡೂ ಸಂಪ್ರದಾಯದಲ್ಲಿ ಮದುವೆಯ ಶುಭ ಕಾರ್ಯಗಳು ಜರುಗಲಿವೆ.
Log in to write reviews